முதன்மை உள்ளடக்கத்திற்குச் செல்

தொடர்கதை --> காதலி காதலி!#8

முந்தைய பாகங்கள்: 

காதலி காதலி!  #1 | #2  | #3 | #4  | #5 |  #6  | #7 

அழுகையும் சோகமுமாய் சோர்ந்து போய் அமர்ந்து இருந்தான், ராமு.
அவன் சொன்ன கதையைக் கேட்ட குமரேசன், "தம்பி, உனக்காக, கைய வெட்டிக்கிற அளவுக்கு வந்திருக்குதுயா இந்தப் பொண்ணு, கட்டிக்கோ இவளையே, நல்லா இருக்கும்யா உன் வாழ்க்க"

"அத தான்னே நானும் நெனைக்கிறேன், ஆனாலும் இப்போதைக்கு எனக்கு வேல இல்லையேண்ணே.. இந்தப் பொண்ணோட அப்பாவும் எனக்கு இவள கல்யாணம் பண்ணி வைக்றதுல விருப்பமா இல்ல.. அதான் யோசனையா இருக்கு.."

"உனக்கென்னையா.. தங்கம் நீ.. நல்லா வருவயா, கல்யாணம் பண்ணிக்கோ, சும்மா ஒரு வேலேல சேந்துகிட்டே படி.. நீ நல்லாப் படிக்கிற புள்ள தான, கண்டிப்பா ஒரு நாள் கலெக்டர் ஆவயா"

"சரிண்ணே. அவங்க அப்பாக்கு தகவல் சொன்னேன், அவரு இரக்கமே இல்லாம என் பொண்ணு செத்துட்டா என்ன மீறிப் போனப்போவேனு பெரிய வார்த்த எல்லாம் பேசுறாரு.."

"அப்பானா கோவம் வரதான் செய்யும், இத்தன வருசம் பெத்து வளத்த பொண்ணு, நேத்து வந்தவனுக்காக நம்மள மீறிப் போய்ட்டாளேனு வருத்தம், கோவம் இருக்கத்தான் செய்யும், மாறிடுவாருயா.. கவலப்படாத.. இப்போதைக்கு உன் படிப்பையும் இந்த பொண்ணையும் மட்டும் நென."

"ம்ம் சரிணே..", ராமு சோகமாய் உட்கார்ந்திருக்க, உள்ளிருந்து தாதி வந்தாள், "நீங்க தான அந்தப் பெண் கூட வந்தது? கண்ணு முளிச்டாங்க, வந்து பாருங்க, ரொம்ப சிரமப் பட வைக்காதிங்க, ரொம்ப வலுவில்லாம இருக்காங்க"

உள்ளே சென்றான் ராமு, ரேணுகாவின் அருகில் சென்றான்.

வார்த்தைகள் எழாமல் போனாலும்,
சைகைகள் சேராமல் போனாலும்,
கண்கள் கலங்கின,
ஒன்றாய்க் கலந்தன.

அமைதியாய் ஒருவரை ஒருவர் பார்த்த வண்ணம், விழியோடு
விழி மன்னிப்புக் கடிதம் போட்டுக் கொண்டார்கள்.

"ஏய் பாத்துக்கிட்டே இருக்காதடா, ஏதாவது பேசு..", சோகத்தையும் அமைதியையும் தன் சில்லென்ற வார்த்தைகளால் உடைத்தாள் ரேணு.

"உன்ன என்ன சொல்லனே தெரில... ஏன் ரேணு இவ்ளோ சேட்ட செய்ற.. இதுக்கு உனக்கு தண்டனை கண்டிப்பாக் குடுக்கணும்.."

"ஏய் பெருசா தண்டனை குடுக்காத, நான் பாவம்.."

"என்ன தெரிமா தண்டனை", அவள் அருகே நெருங்கினான் ராமு.

"ஏய்.. கொழுப்புடா உனக்கு..", போ தூரமா.

"ஏய் பைத்தியம், உன் காதுல சொல்ல வந்தேன், ஒடன கற்பன பண்ணிக்கோ நீயா., நான் நல்ல பையன்.."

"என்ன சொல்ல வந்த..?"

"உன்ன எப்பவும் என்னோடவே வச்சுப்பேன், உங்க அப்பாகிட்ட போன்னு இனி சொல்ல மாட்டேன், உனக்கு ஒடம்பு சரி ஆனதும் நம்ம கல்யாணம் பண்ணிக்கலாம்.."

"ஹையா.. அப்போ வா.. எனக்கு இப்போவே சரியா போச்சு.." துள்ள நினைத்து தோற்றுப் போனாள் ரேணுகா.

"ஏ ஏ.. படு கழுத, அதான் ஒடம்பு சரி இல்லல.. படு..", படுக்க வைத்து தலையில் மெல்ல வருடினான் ராமு.


"ராமு நெசம்மா? என்ன இப்போ ஒடம்பு சரியானதும் கல்யாணம் பண்ணிபேல? சும்மா எனக்கு இப்போதைக்கு சந்தோசத்துக்கு சொல்லலயே?"

"இல்ல ரேணு, உங்கப்பாட்ட பேசிப் பாத்தேன், ஒத்துக்கிற மாதிரி தெரியல, அதான், உன்ன இப்போவே கல்யாணம் பண்ணிக்கலாம்னு முடிவு பண்ணிட்டேன்., உனக்கு என் மேல நம்பிக்க இருக்குல ரேணு? நான் நல்லா வருவேன்னு?"

"இருக்குடா, சீக்கிரமா நீ பெரிய ஆளா வருவ"

-------------------------------------------------------------------

இவ்வளவு பாசமாக இருந்த ரேணுகாவும் ராமுவும் எப்படிப் பிரிந்தார்கள்? ஏன் ராமு வெளிநாடு சென்றான்? வாசிக்கலாம் அடுத்த பாகத்தில்.


கருத்துகள்

இந்த வலைப்பதிவில் உள்ள பிரபலமான இடுகைகள்

பெண்களிடம் பேசுவது.... எப்படி?

"ஆணும் பெண்ணும் பேசுவதே தவறு" "ஆணும் பெண்ணும் நட்பாக இருக்கவே முடியாது!", இப்படி எல்லாம் தான் என் ஊரில் இருக்கும் ஒரு பாட்டி சொல்லிக் கொண்டு இருப்பார் எப்போதும். ஆனால், அதெல்லாம் அப்படியா? பாட்டி பெரியவர், அவர் சொன்னால் சரியாகத் தானே இருக்கும்? இல்லையா? என் அம்மா சொல்வார், "பெரியவங்க சொன்னா  அதுல ஆயிரம் அர்த்தம் இருக்கும்" என்று! ஆனால், "பேசுவது தவறு???", இதெல்லாம் எந்த ஊர் நியாயம்? இப்போது இப்படி எல்லாம் "பேசுவது தவறு" என்று பேசினால், "போயா நீ, அந்தக் காலத்து ஆள் மாதிரி..", என்று சொல்லிவிடுவார்கள். இன்று ஆணும் பெண்ணும் பேசுவது, நட்பாக இருப்பது எல்லாம் சாதாரணமான ஒரு விஷயம்! பள்ளியில், கல்லூரியில், வேலை செய்யும் இடத்தில், இப்படி எங்கும் பேச வேண்டிய அவசியம், "எல்லோரிடமும்" பேச வேண்டிய அவசியம் இருக்கும். ஆனால், எப்படிப் பேசுகிறோம் என்பதில் தான் இருக்கிறது, நம்மைப் பற்றி மற்றவர் என்ன நினைக்கிறார் என்பது! சிலர், பார்த்தவுடன் யாராக இருந்தாலும், இனிமையாக சிரித்துப் பேசுவார்கள். இன்னும் சிலர் ஒரு வார்த்தை பேசவே

இது பேசும் கலை - கழை - களை!

பெரும்பாலும் நாம் நல்லவரா கெட்டவரா என்பது நாம் எப்படிப் பேசுகிறோம் என்பதை வைத்தே தீர்மானிக்கப்படுகிறது. இல்லையா? இப்படிச் சொல்வார்கள், "ஒரு சொல் கொல்லும் ஒரு சொல் வெல்லும்" என்று. உண்மை! எனக்குத் தெரிந்து பொருள் உதவி செய்தவர்களைக் கூட மறந்துவிடுவார்கள் எளிதில். ஆனால், "சொல்லால்" உதவியவர்களை ஒரு போதும் மறக்க முடியாது!  சொல்லால் உதவுவதா? ஆம், "அய்யோ!" என்று ஏதோ ஒரு காரணத்தால் மிகவும் சோர்ந்து போய், அழுது கொண்டு இருக்கும் போது, ஒருத்தர் வந்து எப்போதும் உங்களுக்கு ஆறுதலாக நான்கு வார்த்தைகள் சொல்கிறார் என்றால்? அவரை மறக்க முடியுமா? முடியவே முடியாது! உங்களுக்கு எப்படி என்று தெரியவில்லை, ஆனால், என்னால் ஒரு போதும் மறக்க முடியாது. பேசுவதைக் கூட  "கலை" என்று சொல்வார்கள், காரணம் ஒரு விஷயத்தையே அழகாக கவிதை போலவும்  சொல்ல முடியும், ஒரு "செய்தி அல்லது அறிவுரை" போலவும் சொல்ல முடியும். எந்த வார்த்தையைப் பயன்படுத்துகிறோம், எப்படி வார்த்தைகளை எந்த இடத்தில் பயன்படுத்துகிறோம் என்பதும் உள்ளது. பேச்சுப் போட்டிகள் எல்லாம் நடத்துவார்களே பள்ளியில்?

அன்புள்ள ஆசிரியருக்கு!

மரியாதைக்குரிய ஐயா, நீண்ட நாட்களாகவே உங்களுக்கு ஒரு கடிதம் எழுத வேண்டும் என்று எனக்கு அத்தனை ஆசை. காரணம், உங்களிடம் ஒரு செய்தி சொல்லவேண்டும். நீங்கள் பாடம் நடத்தும் விதம் பற்றி, முறை பற்றி. ஒரு நல்ல மாணவிக்கு இப்படிப் பேசுவது அழகா என்று எனக்குத் தெரியவில்லை. ஆயினும், இப்பொழுதும் நான் சொல்லாமல் விட்டுவிட்டால்,  அது சரியாக இருக்காது என்று தான் சொல்கிறேன். தவறாக என்ன வேண்டாம் ஐயா. உங்களின் மீது அளவு கடந்த மரியாதை இருக்கிறது. ஆயினும், சில நேரங்களில் கோபம் வருகிறது உங்களின் மீது?!!! நீங்கள் இது வரை நிறைய முறை, வகுப்பில் எங்களிடம் கேட்டதுண்டு, "நான் நடத்துறது புரியுதாப்பா...?" நாங்களும் "புரியுது சார்..", என்று சொல்வோம். ஆனால், உங்களுக்கே தெரியும் நீங்கள் சொல்வது எதுவும் எங்களுக்குப் புரிந்ததில்லை என்று! உண்மையைச் சொல்கிறேன், என் வகுப்பில் இருக்கும் எல்லா தோழர்களின் தோழிகளின் சார்பாகச் சொல்கிறேன், "உண்மையா உங்களுக்கு நடத்தவே தெரியல சார்.. :( " நாங்களே புத்தகத்தை வாசித்தால் கூட தெளிவாகப் புரிகிறது, ஆனால், உங்களுக்கு மட்டும் ஏன் தான் எல்லாம்