கருப்பட்டிக்கட்டி போல்,கடினமானது தான்,
என் மனம்,
முதல் வார்த்தை நீ
மொழியாத வரை!
கசிந்து உருகியதே,
காய்ச்சினாய் காதலால்,
கள்வா, என்னுள்ளத்தை!
முதல் வார்த்தை பேசியதும்,
கம்பிப்பதம் அடைந்தது,
மறுவார்த்தை பேசியதும்,
முத்துப் பதம் கொண்டது!
காதல் நீ சொன்னதும்,
கரைந்தே போனது,
முழுவதுமாய்...!
உருக்கி உருக்கி,
உன் காதலால்,
சாக்லேட் சிலையாய்,
செதுக்குகிறாயே என்னுள்ளத்தை,
உனக்காக, உனக்காக,
செதுக்குகிறாயே என்னுளத்தை,
நீயே உனக்காக!
-----------------------
குறிப்பு:
கம்பிப் பதம், முத்துப் பதம் ---> சீனி அல்லது கருப்பட்டிப் பாகு தயாரிக்கும் பொழுது, உருகிய திரவத்தின் பக்குவத்தைக் குறிக்க பொதுவாக உபயோகிக்கும் வார்த்தைகள்.
அருமையான சொல்லாடல் வாழ்த்துகள்
பதிலளிநீக்குஉங்களை பல்சுவை பதிவர்கள் என வலைசரத்தில் பெருமைப்படுத்தியுள்ளேன்
பதிலளிநீக்குபல்சுவை பதிவர்கள்
//
பதிலளிநீக்குஉருக்கி உருக்கி,
உன் காதலால்,
சாக்லேட் சிலையாய்,
செதுக்குகிறாயே என்னுள்ளத்தை,
உனக்காக, உனக்காக,
செதுக்குகிறாயே என்னுளத்தை,
நீயே உனக்காக!
//
அழகிய கவிதை மற்றும் வரிகள்
@ சம்பத்குமார் : அறிமுகத்திற்கு நன்றி! என் போல் புதிதாக எழுதத் தொடங்கியிருப்பவர்களுக்கு, ஊக்கமே அவசியம். அதைத் தந்தமைக்கு மிக்க நன்றி.
பதிலளிநீக்கு@ "என் ராஜபாட்டை"- ராஜா : மிக்க நன்றி.
பதிலளிநீக்கு