முதன்மை உள்ளடக்கத்திற்குச் செல்

ஓவம்மா #5 (தொடர்கதை)

ஓவம்மா! #1 | #2 | #3 | 4

அழுதுட்டே இருந்தவ அப்படியே தூங்கிப் போயிட்டேன், காலைல அஞ்சு மணி இருக்கும், அந்தக் கோயிலுக்குப் பூச செய்ற ஐயர் வந்து தான் என்ன எழுப்புனாரு. ஒரே குளிர், பனி, அது எழுந்தப்றம் தான் எனக்கு உணர்ந்துச்சு.

"நீ யாரு மா? இங்க இப்டி வந்து படுத்திருக்க?", அந்த ஐயர் கேக்க, என்ன சொல்றதுன்னு தெரியாம முழிச்சேன்!

சாலை!
அவரு, "போ போ, இங்க எல்லாம் தூங்கக் கூடாது வீட்டுக்குப் போ" னு சொல்லிட்டாரு.

எந்திச்சி நடந்தேன், எங்க போறதுன்னு யோசிச்சிட்டே நடந்தேன். ரொம்பக் குளிரா இருந்தது. இந்நேரம் எங்கக்கா வீட்டுக்கு வந்திருக்கும், ஆனா வீட்டுக்கு என்னால போக முடியாது.

பசிக்க ஆரம்பிச்சுடுச்சு, என்ன செய்யனு தெரியல, இந்நேரம் வேலைக்குப் போயிருந்தா சாப்டிருப்பேன், பசில நடக்க முடியல, நடந்துக்கிட்டே இருந்தேன் ஆனா நிக்காமா, எங்க எங்கயாச்சும் நின்னா, யாராவது, "யாரு மா நீ"னு கேள்வி கேப்பாங்கலே னு நெனப்பு, அந்த நெனப்பு தான் என்னத் தொரத்தி நடக்க வச்சது!

ஒரு கட்டத்துல நான் மதியம் நெருங்க நெருங்க, சக்தி எல்லாம் எழந்து, மயங்கி விழுந்திருந்தேன்.

முழிச்சுப் பாத்தப்போ, எங்க அத்த வீட்ல இருந்தேன். அவங்க என் அத்தைனு அவங்க சொல்லி தான் எனக்கே தெரியும், அதுக்கு முன்னாடி அவங்கள நான் பாத்ததே இல்ல.

ஆனா அவங்களுக்கு என்னத் தெரியும்னு சொன்னாங்க. சரி னு அவங்க வீட்லயே இருந்தேன். எங்க அக்கா வீட்ல நடந்ததெல்லாம் அவங்க கிட்ட சொன்னேன், மாமா தப்பா நடந்ததையும், தயங்கித் தயங்கிச் சொன்னேன்.

அத்த என்ன பத்ரமாப் பாத்துப்பேன்னு சொன்னாங்க. அங்க இருந்தும் கட்ட அடுக்க வேலைக்குப் போனேன்.

அத்த படிக்கச் சொன்னாங்க, ஆனா எனக்கு தான் படிக்கப் பிடிக்கலயே! அன்னைக்கு மட்டும் நான் படிச்சிருந்தா, இன்னிக்குக் கண்டிப்பா ரொம்ப நல்லா இருந்திருப்பேன். ஆனா என்ன செய்ய, படிக்கலையே!

அக்கா என்னத் தேடி எங்கயும் அலையால, அவ்வளவு பாசம், ஒரு சொம கொறஞ்சதுனு நெனச்சா போல. ஆனா, இப்போ அத்த வீட்ல, பெரிய பணம் கெடயாது, ஆனா, பாசம் இருந்தது நெறைய! நான் வேல பாத்தாலும், அந்தச்
செரமம் எனக்குத் தெரிஞ்சதே இல்ல.

எங்க வீட்டுப் பக்கத்துல ஒருத்தன் இருந்தான். அவன் பேரு, "கடி நாய்" , அது அவனுக்கு என் சோடுப் பொண்ணுங்க எல்லாரும் சேந்து வச்சப் பட்டப் பேரு.
அவனோட உண்மையான பேரு சேகர்! ஆனா, அவன ஒரு நாள் கூட நாங்க யாரும் சேகர் னு கூப்டதே இல்ல!

அவனுக்கு கோவம் ரொம்ப வரும், அதனால தான் எல்லாருமா சேந்து அப்படி ஒரு பேர வச்சோம்!

அவனையும் என்னையும் செத்து வச்சு, பிள்ளைங்க எல்லாம் கேலி செய்யும்க.
ஆனா, எனக்கென்னவோ, அவனப் பிடிக்கும்னும் இல்ல, பிடிக்காதுனும் இல்ல!

-----------------

ஓவம்மா கதை தொடரும்!
தங்கள் கருத்துக்களைத் தெரிவித்துவிட்டுச் செல்லுங்கள்?

கருத்துகள்

இந்த வலைப்பதிவில் உள்ள பிரபலமான இடுகைகள்

பெண்களிடம் பேசுவது.... எப்படி?

"ஆணும் பெண்ணும் பேசுவதே தவறு" "ஆணும் பெண்ணும் நட்பாக இருக்கவே முடியாது!", இப்படி எல்லாம் தான் என் ஊரில் இருக்கும் ஒரு பாட்டி சொல்லிக் கொண்டு இருப்பார் எப்போதும். ஆனால், அதெல்லாம் அப்படியா? பாட்டி பெரியவர், அவர் சொன்னால் சரியாகத் தானே இருக்கும்? இல்லையா?
என் அம்மா சொல்வார், "பெரியவங்க சொன்னா  அதுல ஆயிரம் அர்த்தம் இருக்கும்" என்று! ஆனால், "பேசுவது தவறு???", இதெல்லாம் எந்த ஊர் நியாயம்? இப்போது இப்படி எல்லாம் "பேசுவது தவறு" என்று பேசினால், "போயா நீ, அந்தக் காலத்து ஆள் மாதிரி..", என்று சொல்லிவிடுவார்கள்.
இன்று ஆணும் பெண்ணும் பேசுவது, நட்பாக இருப்பது எல்லாம் சாதாரணமான ஒரு விஷயம்! பள்ளியில், கல்லூரியில், வேலை செய்யும் இடத்தில், இப்படி எங்கும் பேச வேண்டிய அவசியம், "எல்லோரிடமும்" பேச வேண்டிய அவசியம் இருக்கும். ஆனால், எப்படிப் பேசுகிறோம் என்பதில் தான் இருக்கிறது, நம்மைப் பற்றி மற்றவர் என்ன நினைக்கிறார் என்பது!
சிலர், பார்த்தவுடன் யாராக இருந்தாலும், இனிமையாக சிரித்துப் பேசுவார்கள். இன்னும் சிலர் ஒரு வார்த்தை பேசவே காசு கேட்பா…

இது ஒரு சிக்கன் கதை!

சிக்கன்! அசைவ விரும்பிகள் எல்லோருக்குமே பிடித்த, மிக மிகப் பிடித்த ஒன்றாக இருக்கும் இந்தச் சிக்கன்!?
எப்போதும் அசைவம் சாப்பிடுபவர்களுக்கு மீன் சமைக்கும் வாசம், அற்புதமாகவும், சைவம் சாப்பிடுபவர்களுக்கு அது “அய்யோ... என்ன கருமம்!”, என்பது போலவும் இருக்கும்!
இதில் நான் முதல் வகை, அசைவம் சாப்பிடும் வகை!
என் நண்பர்கள் உறவினர்களிடம் கேட்டால் தெரியும், எனக்கு எவ்வளவு பிடிக்கும் அசைவ உணவு என்பது!
எனக்கு ஒரு அத்தை இருக்கிறார், அவர் வீட்டிற்குச் சிறுவயதில் சென்ற போது, ஒரு முறை, ஒரு அரைக் கிலோ மீனை ஒரே ஆளாகச் சாப்பிட்டேனாம்!
”புரட்டாசி மாதம், அசைவம் சாப்பிடக் கூடாது, வெள்ளி, செவ்வாய் பிறகு சனி, அசைவம் சாப்பிடக் கூடாது”, இப்படி என் அம்மா போடும் விதிகள் எல்லாம், அப்பா... எனக்குச் சுத்தமாகப் பிடிக்காது!
அதென்னவொ, அசைவ உணவின் ருசி அத்தனை அருமை! (இதைத் தான் பசிக்கு உண்ணாமல் ருசிக்கு உண்பது என்பார்களோ???)
என் அப்பா அசைவம் சாப்பிடமாட்டார் அதிகம், நானும் அம்மாவும் தான், வற்புறுத்தி சாப்பிட வைப்போம். அவர் உடனே சொல்வார், “ஊன் வளர்க்க ஊன் உண்ணக் கூடாது”, என்றெல்லாம்.
என்னையும் அசைவம் சாப்பிடாதே, விட்டுவிட…

இருபத்தியாறு (21+4) வயதினிலே!

"என்னடா இந்தப் பொண்ணு கணக்குல கொஞ்சம் வீக்கோ?", என்று நீங்கள் நினைப்பது எனக்குக் கேட்கிறது. உண்மை தான், கொஞ்சம் வீக் தான். ஆனால், இப்போது எனக்கு இருபத்தியாறு வயது துவங்கி இருக்கிறது, அதனால் தான் முடிந்த வயதை கணக்குப் போட்டு இருக்கிறேன். புரிகிறதோ? 
21 வருடம் அம்மா அப்பா கையைப் பிடித்துக் கொண்டு இருந்தேன். 4 வருடம் தனியாக இருந்தேன். இப்போதும் தனியாகத் தான் இருக்கிறேன். (தனிமை தனிமையோ, கொடுமை கொடுமையோ!)
சரி இந்த இருபத்தி ஐந்து வருடங்களில் நான் "இது சரி", "இது தவறு", என்று இப்போது வரை கற்று இருப்பவற்றை உங்களோடு பகிர்ந்து கொள்கிறேன். விருப்பம் இருந்தால் வாசித்துப் பாருங்கள். இதில் இருப்பவை எல்லாம் என்னுடைய சுய அனுபவங்கள் கொண்டு நான் எழுதி இருப்பவை. உங்களுக்கும் இது சரியாக இருக்க அவசியம் இல்லை.   
சரி "வளவள" என்று பேசாமல் சொல்ல வந்ததைச் சொல்கிறேன், கேளுங்கள்!
இதில் வெவ்வேறு தலைப்புகளாகப் பிரித்து எழுதி இருக்கிறேன், பின்னாளில் நான் மறுபடி இதைப் படித்துப் பார்க்கையில் எனக்கு எளிதாக இருக்கும் பாருங்களேன்? பெரும்பாலும் நான் எழுதுவதெல்லாம், எனக்காகத் த…