இதோ நமது எதிர்காலம்!
பிறந்த தினமே - செயற்கையைப்
போர்த்திக் கொண்டு,
பால்மணம் மாறிப் போகும்,
பிஞ்சுப் பூக்கள்!
வாசலில் இறங்கியதும் - என்றும்
வேகமாய் ஓடுது,
இருசக்கர வாகனம் நோக்கி,
நமது கால்கள்!
நடிப்பது தொடங்கிய,
நேற்றைய தினம் தொட்டு,
உடலில் நோய்கள்!
மருந்தாய் இங்கே - இயற்கை
மூலிகைகள் ஆயிரம்,
இருந்தும் மனம் நாடுது,
வெளிநாட்டு வில்லைகள்!
எதிலும் செயற்கை - ரோசா
வாசம் மறந்திடும்,
வாசனைத் திரவியம் மட்டுமே
நமக்குத் தெரிந்திடும்!
வாகனப் புகை - இங்கு
மேகமாய்ப் பரவி,
வாசனை நுகரும் திறனை
வேகமாய் அழித்திடும்!
வாசமே தெரியாது - மூக்கு
இருந்தும் இல்லாததே,
மூக்கிருக்கும் சூற்பனகைகளாகி உலகம்
செயற்கையாய் சுவாசித்திடும்!
:(
பதிலளிநீக்கு:( :( :'(
நீக்குsema sema sema !
பதிலளிநீக்குநன்றி. :)
நீக்குunmai
பதிலளிநீக்கு