முதன்மை உள்ளடக்கத்திற்குச் செல்

அத்தனைக்கும் ஆசைப்படு!


ஆயிரம் கனவுகள் இருந்தபோதும்,
ஒருசில மட்டுமே நனவாகும்!
கோடிகள் அதிலே இருந்துவிட்டால்,
ஆயிரம் நனவாகும் வாய்ப்பு தரும்!

நினைவு தெரிந்த நாள் முதலாய்,
ஆசை நிறைய, நிறைய உண்டு.
களிமண் பொம்மை உடைய வேண்டாம்,
காகிதக் கப்பல் கிழிய வேண்டாம்.

பாலின் நிறம் வெண்மை வேண்டாம்,
புல்லின் நிறம் பசுமை வேண்டாம்.
"இப்படி ஆசை இருந்த போது,
எப்படியம்மா நிறைவேறும்?
அது எப்படியம்மா நிறைவேறும்?"

இப்படி சொன்ன சிலருக்காக,
நல்லன சில நான் ஆசைப்பட்டேன்!
நம் நாட்டவர் கண்ணீர் கலைந்திடவும்,
சோகங்கள் எல்லாம் அழிந்திடவும்.

இதற்கும் இல்லை என்று சொன்னால்,
பேதை எங்கே சென்றிடுவேன்,
"அத்தனைக்கும் ஆசைப்படு"
சொன்னது யார்?
சொல்லுங்கள் அவரிடம்,
ஆசையே சாபம் என்று!

கருத்துகள்

  1. // சொல்லுங்கள் அவரிடம்,
    ஆசையே சாபம் என்று!// அழகாய் முடித்தீர்கள்

    //நம் நாட்டவர் கண்ணீர் கலைந்திடவும்,
    சோகங்கள் எல்லாம் அழிந்திடவும்.// மாற்றம் வேண்டும் என்று ஆசைப்படுவோம்.... ஆசைக்கும் கனவிற்கும் வித்தியாசம் நூலளவு தான்.. முயன்றால் முடியாதது எதுவும் இல்லை தானே

    பதிலளிநீக்கு
    பதில்கள்
    1. ஆம், உண்மை தான். ஆசைபட்டுக் கொண்டு சும்மா இருக்காமல் ஏதேனும் செயலில் செய்தால் நன்மை தான்.

      நீக்கு
  2. எனக்கு மட்டும் அந்த சிவபெருமானை போல் 'வரம்' கொடுக்கும் 'சக்தி' இருந்திருந்தால்.... இந்தா பிடி என்று தங்களுக்கு வரம் அருளியிருக்கலாம் என்ன செய்வது எனக்கு அந்த சக்தி இல்லையே :) :)

    எல்லோரும் இன்புற்றிருக்க வேண்டும் என்று நினைக்கும் உங்கள் நல் உள்ளத்திற்கு நன்றி! தொடர்ந்து கவி மழை பெய்யட்டும்!

    பதிலளிநீக்கு
    பதில்கள்
    1. நன்றி :) :) கவி மழை பொழியும். தொடர்ந்து நனைய வாருங்கள்! :)

      நீக்கு
  3. ஆசை சாபம் அன்று அதை மெய்யாக்கும் முயற்சி இல்லாமல் சோம்பி விதியையும் , காலத்தையும் , மற்றவரையும் குறை கூறுவதே சாபம்

    கவிதை வரிகள் அருமை ஆனால் பொருள் தான் கொஞ்சம் உதைக்கிறது.

    பதிலளிநீக்கு
    பதில்கள்
    1. ம்ம்.. சிலசமயம் எவ்வளவு முயன்றாலும் சில காரியங்கள் நடப்பதில்லயே? அதான் அப்படி எழுதினேன்.

      நன்றி.

      நீக்கு
  4. அத்தனைக்கும் ''ஆசைப்படு''
    காலம் வரும்வரை காத்திரு,,
    கொடுத்த கடமையை சரிவர செய்திடு
    கோடிகளும் நினைவாகும்...!

    நல்லது கண்மனி!!

    ஏன் ''நம்ம'' பக்கம் நேற்று வரவில்லை..?

    பதிலளிநீக்கு
    பதில்கள்
    1. ம்ம் நனவாகும்.
      நன்றி.
      மன்னிக்கவும். கல்லூரியில் வைத்து இந்தப் பதிவு செய்தேன்.
      சிறிது நேரம் தான் இணைப்புக் கிடைத்தது. அதான் பதிவு போட இயலவில்லை

      நீக்கு
  5. சரிதான்....ஆசையே அனைத்திற்கும் காரணம்...இப்ப நீங்க படுவது கூட ஆசைதான்...ஆசை சாபம் மற்றும் வரம் இரண்டின் சேர்க்கை..இப்ப நீங்க இணையம் வழி எழுதுவது கூட ஆசையின் வெளிப்பாடுதான்.ஆசைபடுங்கள்,ஆசைபடாதிருக்க ஆசைப்படுங்கள்..
    தொழிற்களத்தில் என் முதல் சிறுகதை மறக்காமல் வாசிங்க: http://tk.makkalsanthai.com/2012/09/godshortstory.html

    பதிலளிநீக்கு
    பதில்கள்
    1. :) :) ஆசைப்படாமல் யாராலும் இருக்க முடியாது என்பது தானே உண்மை! நன்றி...

      நீக்கு
  6. பாத்துங்க , ஜக்கி வாசுதேவ் உங்க மேல வழக்கு போட்டுட போறார்.

    பதிலளிநீக்கு
    பதில்கள்
    1. :) அப்படி எல்லாம் போடா மாட்டாங்க!

      நீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

பெண்களிடம் பேசுவது.... எப்படி?

"ஆணும் பெண்ணும் பேசுவதே தவறு" "ஆணும் பெண்ணும் நட்பாக இருக்கவே முடியாது!", இப்படி எல்லாம் தான் என் ஊரில் இருக்கும் ஒரு பாட்டி சொல்லிக் கொண்டு இருப்பார் எப்போதும். ஆனால், அதெல்லாம் அப்படியா? பாட்டி பெரியவர், அவர் சொன்னால் சரியாகத் தானே இருக்கும்? இல்லையா?
என் அம்மா சொல்வார், "பெரியவங்க சொன்னா  அதுல ஆயிரம் அர்த்தம் இருக்கும்" என்று! ஆனால், "பேசுவது தவறு???", இதெல்லாம் எந்த ஊர் நியாயம்? இப்போது இப்படி எல்லாம் "பேசுவது தவறு" என்று பேசினால், "போயா நீ, அந்தக் காலத்து ஆள் மாதிரி..", என்று சொல்லிவிடுவார்கள்.
இன்று ஆணும் பெண்ணும் பேசுவது, நட்பாக இருப்பது எல்லாம் சாதாரணமான ஒரு விஷயம்! பள்ளியில், கல்லூரியில், வேலை செய்யும் இடத்தில், இப்படி எங்கும் பேச வேண்டிய அவசியம், "எல்லோரிடமும்" பேச வேண்டிய அவசியம் இருக்கும். ஆனால், எப்படிப் பேசுகிறோம் என்பதில் தான் இருக்கிறது, நம்மைப் பற்றி மற்றவர் என்ன நினைக்கிறார் என்பது!
சிலர், பார்த்தவுடன் யாராக இருந்தாலும், இனிமையாக சிரித்துப் பேசுவார்கள். இன்னும் சிலர் ஒரு வார்த்தை பேசவே காசு கேட்பா…

இது ஒரு சிக்கன் கதை!

சிக்கன்! அசைவ விரும்பிகள் எல்லோருக்குமே பிடித்த, மிக மிகப் பிடித்த ஒன்றாக இருக்கும் இந்தச் சிக்கன்!?
எப்போதும் அசைவம் சாப்பிடுபவர்களுக்கு மீன் சமைக்கும் வாசம், அற்புதமாகவும், சைவம் சாப்பிடுபவர்களுக்கு அது “அய்யோ... என்ன கருமம்!”, என்பது போலவும் இருக்கும்!
இதில் நான் முதல் வகை, அசைவம் சாப்பிடும் வகை!
என் நண்பர்கள் உறவினர்களிடம் கேட்டால் தெரியும், எனக்கு எவ்வளவு பிடிக்கும் அசைவ உணவு என்பது!
எனக்கு ஒரு அத்தை இருக்கிறார், அவர் வீட்டிற்குச் சிறுவயதில் சென்ற போது, ஒரு முறை, ஒரு அரைக் கிலோ மீனை ஒரே ஆளாகச் சாப்பிட்டேனாம்!
”புரட்டாசி மாதம், அசைவம் சாப்பிடக் கூடாது, வெள்ளி, செவ்வாய் பிறகு சனி, அசைவம் சாப்பிடக் கூடாது”, இப்படி என் அம்மா போடும் விதிகள் எல்லாம், அப்பா... எனக்குச் சுத்தமாகப் பிடிக்காது!
அதென்னவொ, அசைவ உணவின் ருசி அத்தனை அருமை! (இதைத் தான் பசிக்கு உண்ணாமல் ருசிக்கு உண்பது என்பார்களோ???)
என் அப்பா அசைவம் சாப்பிடமாட்டார் அதிகம், நானும் அம்மாவும் தான், வற்புறுத்தி சாப்பிட வைப்போம். அவர் உடனே சொல்வார், “ஊன் வளர்க்க ஊன் உண்ணக் கூடாது”, என்றெல்லாம்.
என்னையும் அசைவம் சாப்பிடாதே, விட்டுவிட…

இருபத்தியாறு (21+4) வயதினிலே!

"என்னடா இந்தப் பொண்ணு கணக்குல கொஞ்சம் வீக்கோ?", என்று நீங்கள் நினைப்பது எனக்குக் கேட்கிறது. உண்மை தான், கொஞ்சம் வீக் தான். ஆனால், இப்போது எனக்கு இருபத்தியாறு வயது துவங்கி இருக்கிறது, அதனால் தான் முடிந்த வயதை கணக்குப் போட்டு இருக்கிறேன். புரிகிறதோ? 
21 வருடம் அம்மா அப்பா கையைப் பிடித்துக் கொண்டு இருந்தேன். 4 வருடம் தனியாக இருந்தேன். இப்போதும் தனியாகத் தான் இருக்கிறேன். (தனிமை தனிமையோ, கொடுமை கொடுமையோ!)
சரி இந்த இருபத்தி ஐந்து வருடங்களில் நான் "இது சரி", "இது தவறு", என்று இப்போது வரை கற்று இருப்பவற்றை உங்களோடு பகிர்ந்து கொள்கிறேன். விருப்பம் இருந்தால் வாசித்துப் பாருங்கள். இதில் இருப்பவை எல்லாம் என்னுடைய சுய அனுபவங்கள் கொண்டு நான் எழுதி இருப்பவை. உங்களுக்கும் இது சரியாக இருக்க அவசியம் இல்லை.   
சரி "வளவள" என்று பேசாமல் சொல்ல வந்ததைச் சொல்கிறேன், கேளுங்கள்!
இதில் வெவ்வேறு தலைப்புகளாகப் பிரித்து எழுதி இருக்கிறேன், பின்னாளில் நான் மறுபடி இதைப் படித்துப் பார்க்கையில் எனக்கு எளிதாக இருக்கும் பாருங்களேன்? பெரும்பாலும் நான் எழுதுவதெல்லாம், எனக்காகத் த…