முதன்மை உள்ளடக்கத்திற்குச் செல்

அப்பாக்குட்டிக்குப் பிறந்த நாள்!

அப்பாக்குட்டியும் நானும்!
என்னுடைய பதிவுகளை தொடர்ந்து வாசிப்பவர்களுக்குப் புரிந்திருக்கும், இது எதைப் பற்றிய பதிவு என்று. ஆம், இன்று அப்பாக் குட்டியின் பிறந்த நாள். அப்பாக் குட்டி? அது யார்? தெரியாதா உங்களுக்கு? அட, அது என்னுடைய அப்பா!

சிறுவயதில் என்னை அவர் அப்படித் தான் அழைப்பார். இப்போது நான் பெரியவள் ஆனதும் அப்படி அழைப்பதில்லை! :( அதனால் என்ன? இப்போது நான் அவரை பதிலுக்கு அப்பாக் குட்டி என்று அழைக்கிறேனே!

இன்று என் அப்பாக் குட்டிக்கு பிறந்தநாள், அதே போல, என்னுடைய இரண்டு வகுப்புத் தோழிகளுக்கும் பிறந்த நாள்! :) ஒரு மிட்டாய் கிடைத்தாலே ஆனந்தம், இதில் இன்று "கண்ணா, இன்னொரு லட்டு தின்ன ஆசையா?", என்பது போல, நிறைய மிட்டாய் கிடைக்கப் போகிறது! :)

மேலும் இன்று என் கல்லூரியில் ஆண்டு விழா வேறு! கேட்கவா வேண்டும், அப்பா அம்மா தம்பி எல்லோரும் வருகிறார்கள், ஒரே ஆனந்தம் தான் இன்று!

இத்தனை நாட்களாக, புத்தகம், சோறு, உறக்கம், இது மட்டுமே செய்து கொண்டிருந்த எனக்கு மாற்றாக, கொஞ்சம் கலை நிகழ்ச்சி, அற்புதமான ஆண்டு விழா உணவு, அப்பா, அம்மா, தம்பியோடு சேர்ந்து இருப்பது என்று நல்ல நல்ல நிகழ்வெல்லாம் நடக்க இருக்கிறது :)

எப்போதும் வேலை செய்து கொண்டு, எப்போதும் படித்துக் கொண்டு இருந்தாலும், வாழ்க்கை சலித்துவிடும் தான் போலும்.

இனிய பிறந்த நாள் வாழ்த்துக்கள் அப்பாக்குட்டி!
இன்று போல் என்றும் நானும் அப்பாகுட்டியும், அம்மாவும், தம்பியும், பிறகு என் தோழிகள், நீங்கள், எல்லோரும் ஆனந்தமாக இருக்க வேண்டும். இப்படி நீங்களும் வேண்டிக் கொள்ளுங்கள்?

என்றோ ஒரு நாளிதழில் படித்தது இப்போது எனக்கு நினைவிற்கு வருகிறது, ஒரே போல எப்போதும் கடினமாக உழைப்பவர்களை விட, அவ்வப்போது விடுமுறை, கொண்டாட்டம் என்று இருக்க வேண்டுமாம். அப்படி இருப்பவர்களால் தான் மேலும் சிறப்பாக வேலை செய்ய இயலுமாம். எப்போதும் வேலை செய்து கொண்டே இருந்தால், சிறப்பாக இருக்காதாம் நாம் செய்யும் வேலை.

அதனால், இன்று ஆனந்தமாக இருக்கும் நாள் :) உங்களுக்கும் தான்!

கருத்துகள்

  1. தங்களின் தந்தைக்கு இனிய பிறந்த நாள் நல்வாழ்த்துக்கள்...

    பதிலளிநீக்கு
  2. உங்களின் அப்பாகுட்டிக்கு இனிய பிறந்த நாள் வாழ்த்துக்கள்...

    //அவ்வப்போது விடுமுறை, கொண்டாட்டம் என்று இருக்க வேண்டுமாம். அப்படி இருப்பவர்களால் தான் மேலும் சிறப்பாக வேலை செய்ய இயலுமாம்.// மிக சரி. ரிலாக்ஸ் இல்லாத வாழ்க்கை சக்கரத்தின் பல் என்று வேண்டுமானாலும் தேய்ந்து போகலாம்

    பதிலளிநீக்கு
  3. பெயரில்லா4/16/2013 1:41 முற்பகல்

    கண்மணி என பொதுவாக பிள்ளைகளை கொஞ்சுவது வழக்கம். உன்ன மட்டும் கோபத்துல
    திட்டுனாலும் கொஞ்சிடே திட்டிரமாற இருக்கும்னு நினைக்கறேன் அப்பாக்கு :)
    அவர் இந்த பதிவை படிப்பார் என்ற நம்பிக்கையில் அவருக்கு எனது வாழ்த்துக்கள் நேரடியாக :)

    பதிலளிநீக்கு
    பதில்கள்
    1. ம்ம் அப்படித் தான் இருக்கும் கொஞ்சுவது போல. ஆனால் என்னை அப்பா திட்டுவதே இல்லை! :) நான் சமத்துப் பிள்ளை! :D நன்றி...

      நீக்கு
    2. பெயரில்லா4/17/2013 6:43 முற்பகல்

      சமத்து பிள்ளையா.. அப்பாவ கேட்டா தெரியும், சமத்தா வாலா-னு :D

      நீக்கு
    3. :D கேளுங்க கேளுங்க! உண்மைல நான் சமத்து தான்.

      நீக்கு
  4. belated to him. then, you got fellowship . right. congrats do wel the research.

    பதிலளிநீக்கு
  5. உங்கள் அப்பாக்குட்டியின் பிறந்தநாளைக்கு ரொம்ப லேட்டாக வந்திருக்கிறேன். எனது வாழ்த்துக்களை சொல்லுங்கள். நீங்களும் உங்கள் அப்பாக்குட்டியும் இதேபோல என்றும் இருக்க வாழ்த்துகள்.

    பதிலளிநீக்கு
    பதில்கள்
    1. :) நன்றி மா. தங்களது வாழ்த்துக்கள் கிடைத்ததில் மகிழ்ச்சி! :) :)

      நீக்கு
  6. என் பிறந்தநாளை மறக்காமல் இருப்பனு நினைக்கிறன்.உன் அப்பாக்குட்டி பிறந்தநாள் அன்று என்பதால:)

    பதிலளிநீக்கு
    பதில்கள்
    1. அதெப்படி மறப்பேன் கவி :) உனக்கும் என் அப்பா நினைவு வரும் தானே, உன் பிறந்த நாள் அப்போ?

      நீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

பெண்களிடம் பேசுவது.... எப்படி?

"ஆணும் பெண்ணும் பேசுவதே தவறு" "ஆணும் பெண்ணும் நட்பாக இருக்கவே முடியாது!", இப்படி எல்லாம் தான் என் ஊரில் இருக்கும் ஒரு பாட்டி சொல்லிக் கொண்டு இருப்பார் எப்போதும். ஆனால், அதெல்லாம் அப்படியா? பாட்டி பெரியவர், அவர் சொன்னால் சரியாகத் தானே இருக்கும்? இல்லையா?
என் அம்மா சொல்வார், "பெரியவங்க சொன்னா  அதுல ஆயிரம் அர்த்தம் இருக்கும்" என்று! ஆனால், "பேசுவது தவறு???", இதெல்லாம் எந்த ஊர் நியாயம்? இப்போது இப்படி எல்லாம் "பேசுவது தவறு" என்று பேசினால், "போயா நீ, அந்தக் காலத்து ஆள் மாதிரி..", என்று சொல்லிவிடுவார்கள்.
இன்று ஆணும் பெண்ணும் பேசுவது, நட்பாக இருப்பது எல்லாம் சாதாரணமான ஒரு விஷயம்! பள்ளியில், கல்லூரியில், வேலை செய்யும் இடத்தில், இப்படி எங்கும் பேச வேண்டிய அவசியம், "எல்லோரிடமும்" பேச வேண்டிய அவசியம் இருக்கும். ஆனால், எப்படிப் பேசுகிறோம் என்பதில் தான் இருக்கிறது, நம்மைப் பற்றி மற்றவர் என்ன நினைக்கிறார் என்பது!
சிலர், பார்த்தவுடன் யாராக இருந்தாலும், இனிமையாக சிரித்துப் பேசுவார்கள். இன்னும் சிலர் ஒரு வார்த்தை பேசவே காசு கேட்பா…

இது ஒரு சிக்கன் கதை!

சிக்கன்! அசைவ விரும்பிகள் எல்லோருக்குமே பிடித்த, மிக மிகப் பிடித்த ஒன்றாக இருக்கும் இந்தச் சிக்கன்!?
எப்போதும் அசைவம் சாப்பிடுபவர்களுக்கு மீன் சமைக்கும் வாசம், அற்புதமாகவும், சைவம் சாப்பிடுபவர்களுக்கு அது “அய்யோ... என்ன கருமம்!”, என்பது போலவும் இருக்கும்!
இதில் நான் முதல் வகை, அசைவம் சாப்பிடும் வகை!
என் நண்பர்கள் உறவினர்களிடம் கேட்டால் தெரியும், எனக்கு எவ்வளவு பிடிக்கும் அசைவ உணவு என்பது!
எனக்கு ஒரு அத்தை இருக்கிறார், அவர் வீட்டிற்குச் சிறுவயதில் சென்ற போது, ஒரு முறை, ஒரு அரைக் கிலோ மீனை ஒரே ஆளாகச் சாப்பிட்டேனாம்!
”புரட்டாசி மாதம், அசைவம் சாப்பிடக் கூடாது, வெள்ளி, செவ்வாய் பிறகு சனி, அசைவம் சாப்பிடக் கூடாது”, இப்படி என் அம்மா போடும் விதிகள் எல்லாம், அப்பா... எனக்குச் சுத்தமாகப் பிடிக்காது!
அதென்னவொ, அசைவ உணவின் ருசி அத்தனை அருமை! (இதைத் தான் பசிக்கு உண்ணாமல் ருசிக்கு உண்பது என்பார்களோ???)
என் அப்பா அசைவம் சாப்பிடமாட்டார் அதிகம், நானும் அம்மாவும் தான், வற்புறுத்தி சாப்பிட வைப்போம். அவர் உடனே சொல்வார், “ஊன் வளர்க்க ஊன் உண்ணக் கூடாது”, என்றெல்லாம்.
என்னையும் அசைவம் சாப்பிடாதே, விட்டுவிட…

இருபத்தியாறு (21+4) வயதினிலே!

"என்னடா இந்தப் பொண்ணு கணக்குல கொஞ்சம் வீக்கோ?", என்று நீங்கள் நினைப்பது எனக்குக் கேட்கிறது. உண்மை தான், கொஞ்சம் வீக் தான். ஆனால், இப்போது எனக்கு இருபத்தியாறு வயது துவங்கி இருக்கிறது, அதனால் தான் முடிந்த வயதை கணக்குப் போட்டு இருக்கிறேன். புரிகிறதோ? 
21 வருடம் அம்மா அப்பா கையைப் பிடித்துக் கொண்டு இருந்தேன். 4 வருடம் தனியாக இருந்தேன். இப்போதும் தனியாகத் தான் இருக்கிறேன். (தனிமை தனிமையோ, கொடுமை கொடுமையோ!)
சரி இந்த இருபத்தி ஐந்து வருடங்களில் நான் "இது சரி", "இது தவறு", என்று இப்போது வரை கற்று இருப்பவற்றை உங்களோடு பகிர்ந்து கொள்கிறேன். விருப்பம் இருந்தால் வாசித்துப் பாருங்கள். இதில் இருப்பவை எல்லாம் என்னுடைய சுய அனுபவங்கள் கொண்டு நான் எழுதி இருப்பவை. உங்களுக்கும் இது சரியாக இருக்க அவசியம் இல்லை.   
சரி "வளவள" என்று பேசாமல் சொல்ல வந்ததைச் சொல்கிறேன், கேளுங்கள்!
இதில் வெவ்வேறு தலைப்புகளாகப் பிரித்து எழுதி இருக்கிறேன், பின்னாளில் நான் மறுபடி இதைப் படித்துப் பார்க்கையில் எனக்கு எளிதாக இருக்கும் பாருங்களேன்? பெரும்பாலும் நான் எழுதுவதெல்லாம், எனக்காகத் த…